2021 жылдың 22 сәуірінде ҚР БҒМ Республикалық қосымша білім беру оқу-әдістемелік орталығының жобалық кеңсесінде Қостанай облысының пікірталас үйірмелерінің жетекшілеріне «Жас пікірсайыскерлерді жаттықтыру әдістері» тақырыбында вебинар өткізді.
Вебинар жұмысына 20 өңірден пікірсайыс үйірмелері мен клубтарының 100 басшысы қатысты.
Спикер ретінде ҚР БжҒМ РҚББОӘО «Қазақстан Республикасындағы пікірсайыстық қозғалыс» жобалық кеңсесінің сарапшысы, Республикалық пікірсайыстық турнирлердің жеңімпазы, «Парасат» пікірсайыс клубының 2020 жылғы бас жаттықтырушысы Нүркен Дәулет Қайратұлы сөз сөйледі.
Вебинар барысында педагогтердің назарына түрлі әдіс-тәсілдер, дебатерлерді жаттықтырудың практикалық тәсілдері жеткізілді, қызықты мысалдар келтіріліп, практикалық кеңестер берілді.
Кездесу соңында Дәулет Қайратұлы педагогтардың сұрақтарына жауап беріп, қатысушылар өз тәжірибелерімен бөлісті. Кездесу қызықты және жемісті өтті.
Kommentare